"Rəşad Sadıqovun dediklərinə əməl etməyə çalışdıq və ümid edirəm ki..."

27 Yanvar 23:20 Zirə 246
"Rəşad Sadıqovun dediklərinə əməl etməyə çalışdıq və ümid edirəm ki..."

"Biz çox çalışdıq, bütün uşaqlar baş məşqçinin dediklərinə əməl etməyə çalışdı. Ümid edirəm ki, çempionatın qalan hissəsində optimal vəziyyətdə olacağıq".

Bunu Sportinfo.az-a açıqlamasında "Zirə"nin legioneri Dmitrios Çantakias komandasının Türkiyədə baş tutan təlim-məşq toplanışını dəyərləndirərkən deyib.

Paytaxt klubu qonşu ölkədə olduğu müddətdə 3 yoxlama oyunu keçirdi. 2 heç-heçə və 1 məğlubiyyətin qeydə alındığı görüşlərdə komanda öz qapısından 8 qol buraxdı.

Yunanıstanlı oyunçu "Belə statistika qorxu yaratmırmı" sualına qısa cavab verməklə kifayətlənib: "Keçirdiyimiz yoldaşlıq oyunlarında müsbət oynadıq və mən gələcəyə nikbin baxıram".

25 yaşlı müdafiəçi ağır zədə səbəbindən uzun müddət sıradan çıxan komanda yoldaşı Nemanya Andelkoviçi də yada salmağı unutmadı: "Komanda üçün ciddi itkidir, amma bir müddət onsuz qalmalıyıq. O, yaxşı futbolçudur. Ümid edirəm tez bir vaxtda geri qayıdıb, komandamıza kömək edəcək".

Digər Xəbərlər
Xəbər Lenti
17 May 10:40 Sərfəli və münasib
17 May 00:20 Beyl "Real"dan gedir