"Zirə"nin zədəli futbolçularının durumuna aydınlıq gəlib.
Bu barədə Sportinfo.az-a klubun mətbuat xidmətindən məlumat verilib.
Bildirilib ki, serbiyalı müdafiəçi Lazar Corceviç 2 həftədən sonra məşqlərə başlaya biləcək.
Digər zədəli futbolçu Riçard Almeydanın durumu isə daha yaxşıdır. Yarımmüdafiəçi 3-4 günlük aradan sonra komandaya qoşulacaq.
Hər iki oyunçu Azərbaycan Premyer Liqasının 20-ci turu çərçivəsində "Qəbələ" ilə baş tutan oyunda (1:1) zədələnərək məcburi əvəzlənməli olub.
