Azərbaycan millisinin voleybolçusu Dmitri Baranov növbəti titulunu qazanıb.
Sportinfo.az xəbər verir ki, 28 yaşlı blokçu Monteneqro kubokunun qalibi olub.
Baranov şərəfini qoruduğu “Budva”nın heyətində bu uğura imza atıb. Təmsilçimizin komandası kubokun finalında “Buduçnost”a qalib gəlib - 3:2 (25:19, 25:19, 25:27, 23:25, 15:7). Dmitri bu qarşılaşmada 6 xal toplayıb.
Baranov Azərbaycan yığması ilə İslam Həmrəylik Oyunlarının gümüş mükafatçısıdır.