“Bizim üçün əsas problem önümüzdə olan komandalardır”.
Bu sözləri Sportinfo.az-a açıqlamasında “Turan Tovuz”un kapitanı Emmanuel Hakman deyib.
Üç ildir ölkəmizdə çıxış edən toqolu müdafiəçi bildirib ki, bu gün onları daha çox “Qarabağ”la “Sabah” narahat edir:
“Turan”dan geridə olan rəqiblərə hörmətlə yanaşaraq deyə bilərəm ki, məqsədimiz “Qarabağ”la “Sabah”a çatmaq dır. “Zirə”, “Sumqayıt”, “Araz-Naxçıvan” və “Neftçi” turnir cədvəlində bizdən geridədir.
Bu yay avrokuboklarda iştirak etmək istəyirik. Həm Premyer Liqada, həm də ölkə kubokunda yolumuza davam edirik.
Şəxsən mən inanıram ki, mayda məqsədimizə çatacağıq“.
