“Rəhim Sadıxov adətən məşqlərə gecikir, ən çalışqan oyunçumuz isə Ayxan Hüseynovdur”.
Sportinfo.az xəbər verir ki, bu barədə “Turan Tovuz”un müdafiəçisi Roderik Miller deyib.
Panamalı legioner azarkeşlərə dəstəyə görə təşəkkür edib:
“Onlar üçün əlimizdən gələni edirik və bundan sonra da edəcəyik. Növbəti oyunlarda qələbə qazanmaq məqsədimiz var.
Avrokuboklara vəsiqə qazanmaq üçün hər bir imkanımızdan maksimum istifadə edəcəyik”.
Futbolçu həmçinin komanda yoldaşları haqqında da fikirlərini bölüşüb:
“Rəhim Sadıxov adətən məşqlərə gecikir. Ən çalışqan oyunçumuz isə Ayxan Hüseynovdur.
Alexandro Serrano da işinə ciddi yanaşır, hətta onu məşqlərdən əvvəl idman zalında görmək mümkündür. Məncə, ən tənbəl oyunçu Xəyal Nəcəfovdur”.
