Roderik Miller “Turan Tovuz” rəhbərliyindən gözləmədiyi təklifi alıb.
Qərb təmsilçisi panamalı müdafiəçiyə karyerasını başa vurmağı məsləhət görüb.
Onun müqavilə müddəti 2026-cı il iyunun 30-na qədərdir.
Legionerə bildirilib ki, kontraktı yenilənməyəcək. Əvəzində isə şimali amerikalıdan məşqçi kimi klubda qalıb çalışması istənilib.
Roderik 2023-cü ildən “Turan Tovuz”da forma geyinir.
Panama millisinin üzvü bura gəlməmişdən öncə “San-Fransisko”(Panama), “Merida”(Meksika), “Atletiko Nasional”(Kolumbiya), “Feyrense”(Portuqaliya), “Okjetpes”(Qazaxıstan), “Karlos Steyn”(Peru), “Əl-Quva” və “Əl-Mina”da (hər ikisi İraq) çıxış edib.
SPORTİNFO.AZ
