Azərbaycan Kubokunun 1/4 final mərhələsinin ilk oyunları çərçivəsində baş tutan qərb derbisində “Turan Tovuz” “Kəpəz”i qəbul edib.
Sportinfo.az xəbər verir ki, Suraxanıda keçirilən qarşılaşma tovuzluların minimalhesablı qələbəsi ilə yekunlaşıb.
Görüşün taleyini 57-ci dəqiqədə Hayderson Hurtadonun vurduğu yeganə qol həll edib.
Diqqətçəkən əsas məqam isə “Turan Tovuz”un baş məşqçisi Kurban Berdiyevin hərəkəti olub.
Rusiyalı mütəxəssis 64-cü dəqiqədə dördüncü hakim Elvin Bayramova qarşı fiziki təmas göstərərək, onu itələyib və idarəçiliyə sərt etirazını bildirib.
Bu hərəkətinə görə o, referi Əli Əliyev tərəfindən birbaşa qırmızı vərəqə alaraq, meydandan qovulub.
