"Turan Tovuz"dan "Kyoto"ya (Yaponiya) keçən Aleks Souza keryerasında önəmli dövrü başa vurub.
Sportinfo.az xəbər verir ki, 24 yaşlı hücumçu bu barədə şəxsi instaqram hesabında yazıb.
2024-cü ilin yanvarından "Turan Tovuz"da çıxış edən braziliyalı forvard Azərbaycan təmsilçisindən yeni klubuna transferi ilə bağlı fikirlərini bölüşüb:
"Bu gün karyeramda mühüm bir fəsli başa vururam. Bu müddət ərzində yaşadığım hər şeyə, fürsətə və mənə verilən etibara görə "Turan Tovuz"a çox minnətdaram.
Hər zaman yanımda olan idarə və məşqçi heyətinə, komanda yoldaşlarıma və azarkeşlərə təşəkkür edirəm.
Özümlə əla öyrənmə təcrübələri, peşəkar inkişaf və əbədi qalacaq xatirələr aparıram.
Kluba uğurlar arzulayıram və diqqətli, motivasiyalı və növbəti çətinliklərə hazır qalmağı arzulayıram. Hər şey üçün təşəkkür edirəm".
.jpg)
