«Turan Tovuz» mövsümün ilk yarısında şans qazanmayan 2-3 futbolçusunu qış fasiləsində icarəyə verəcək.
Bu barədə qərb təmsilçisindən redaksiyamıza məlumat verilib.
Bildirilib ki, həmin oyunçular «Karvan»a göndəriləcək. Kurban Berdiyevin köməkçisi Yunis Hüseynov əvvəl çalışdığı Yevlax təmsilçisinə bu işdə kömək etməyi öz üzərinə götürüb.
Məlumunuz olsun ki, Füzuli Məmmədovun «Karvan»ın sükanı arxasına keçməsində də onun rolu var. Vaxtilə «sarvanlar»ı çalışdırmış, hazırda isə «Turan Tovuz»da işləyən mütəxəssis bu təyinatda vasitəçilik edib.
«Karvan» rəhbərliyi ilə hələ də isti münasibətləri olan Hüseynov Məmmədovun görəvə gətirələcəyi təqdirdə, komandanı ayağa qaldıracağına zəmanət verib.
15 ildən sonra Premyer Liqaya dönmüş aranlılar 12 tura 5 xal toplayıb və turnir cədvəlinin axırıncı - 12-ci pilləsində qərarlaşıb.
2020-ci ilin yanvar-noyabr ayları ərzində «Neftçi»ni çalışdırmış Məmmədov keçən mövsümü «Mingəçevir»də başa vurub.
SPORTİNFO.AZ
