"Turan Tovuz" ardıcıl üçüncü oyunda da xal itirdi.
Qərb təmsilçisi bu dəfə Premyer Liqanın 13-cü turunda "Neftçi"yə qalib gələ bilmədi.
Tovuz şəhər stadionunda baş tutan qarşılaşma qolsuz bərabərliklə bitdi.
Təbii ki, yayda qarşısına çempionluq hədəfi qoyaraq yola çıxan kollektivin 3 həftə qələbə üzünə həsrət qalması qəbuledilməzdir.
Amma yerli publikanı xal itkisindən çox, göstərilən məzmunsuz oyun narahat edir.
Klubun sosial şəbəkə hesablarına gələn şərhlər belə düşünməyə əsas verir:
"Nə qədər gec deyil Berdiyevi göndərin. Olmayacaq, inanın ki, olmayacaq bu məşqçi ilə. Vaxt gedir. Pullarınıza heyifdir"
"Berdıyev getməsə, "Turan"dan normal oyun görməyəcəyik".
"Bu oyuna baxanda futbola nifrət edirsən".
"Belə futbol olmaz".
"İmişli"nin oyununa baxıb xəcalət çəkin".
"Qısası, Berdıyev istefa".
"Belə oyunla 3 gün də oynasalar qol vura bilməzdilər".
"Bəsdirin, rədd edin bu Berdıyevi".
XANOĞLAN /SPORTİNFO.AZ
