«Turan Tovuz»da yeni «gərginlik ocağı» yaranıb.
Yerli azarkeşlər klub rəhbərliyindən Yunis Hüseynovu buradan uzaqlaşdırmağı tələb edir.
Publikanı qəzəbləndirən Premyer Liqanın ikinci turu çərçivəsində «Araz-Naxçıvan»la Suraxanıda keçirilən matçda yaşanan hadisədir.
Belə ki, Tovuzdan Bakıya təşrif buyuran fanatlar 1:2 hesablı məğlubiyyətdən mənfi mənada təsirlənib.
Nəticədən və komandanın oyunundan narazı qalan tərəfdarlar baş məşqçi Kurban Berdiyevə, onun köməkçilərinə sərt etiraz bildirib. Hüseynov isə ünvnlarına deyilən sözlərlə razılaşmayıb və trbuna əhlinə sərt reaksiya verib.
Odur ki, «Turan» azarkeşləri təhqir olunduqlarını düşünür.
Klubun İdarə Heyətinin sədri Ehtiram Quliyev həm müəyyən şəxslər, həm də sosial şəbəkələr vasitəsilə mesaj göndərən futbolsevərlər ondan Hüseynovla bağlı ölçü götürməsini istəyiblər.
Fanatlar qəti şəkildə bildirib ki, o, bundan sonra Berdiyevin korpusunda yer almamalıdır və əgər burada qalarsa, hər oyunda əleyhinə sərt təzahüratlar səsləndirəcək, «istefa» şüarları qışqıracaqlar.
SPORTİNFO.AZ
