Çempionluq hədəfi ilə yola çıxan "Turan Tovuz" ümidləri doğrultmur.
Startda bölgə klubunun göstərdiyi oyun tovuzlu azarkeşləri məyus etməkdədir.
Komandanın "İmişli" ilə matçdakı məzmunsuz, dişsiz görünməsini son dəqiqə qolu ilə gələn qələbə kölgədə qoydu.
Fanatlar da 3 xala xatir göstərilən bərbad oyunun üzərindən ötüb keçdilər.
Amma "Araz-Naxçıvan"la görüşdəki pis oyun, uğursuz nəticə fanatların səbr kasasını daşırıb.
Berdıyevi istefaya səsləyəcək qədər...
"Tərlan Əhmədovu gətirməyin tam vaxtıdır. Bu heyətlə ilk üçlüyə düşməsə mən də futboldan bir şey anlamıram".
"Baba, sənə ağır söz demək istəmirik. Bizdə milli dəyərlər ağsaqqala söz deməyə imkan vermir. Xahiş edirik, başa düş, təsbehi də götür get".
"Berdıyevə yaradılan şərait heç Qurban Qurbanova yaradılmayıb".
"Araz-Naxçıvan"ı uda bilməyən komanda "Qarabağ", "Zirə", "Sabah"la nə edəcək".
"Turan Tovuz" sanki məhəllə futbolu oynayır".
"Berdıyevlə bu iş olmayacaq".
"Baba təqaüdə getməyincə "Turan"a "əppək" yoxdur".
"İstefa ver get".
XANOĞLAN / SPORTİNFO.AZ
