.jpg)
İyunda «Qarabağ»dan ayrılan Marko Veşoviç qısa müddət sonra Azərbaycana qayıtmaq üzrədir…
Monteneqrolu müdafiəçi «Turan Tovuz»la uzun sürən danışıqların yekununda Premyer Liqaya dönməyə razılaşıb.
2021-2025-ci illər aralığında «köhlən atlar»ın formasını geyinmiş cinah oyunçusu qiymət məsələsində qərb təmsilçisi ilə razılığa gəlib.
Tovuz klubu görüşmələrin əvvəlində 33 yaşlı balkanlıya 200 min dollar təklif etmişdi. Ardınca bu rəqəm 20 min dollar artırılmışdı.
O isə bu çağırışa yenə yaxın durmamış, başqa variantlarının olduğunu deyərək, «Turan» tərəfinə vaxt vermişdi.
Veşoviçin maliyyə şərtlərində yumşalmayacağını anlayan rəhbərlik ödəməyə hazır olduğu məbləği bir qədər də qaldırıb, beləcə, prinsipial razılıq əldə edilib.
SPORTİNFO.AZ
