«Turan Tovuz»un baş məşqçisi Kurban Berdiyev klub rəhbərliyinin istəyinə qarşı çıxıb.
Bu barədə redaksiyamıza qərb təmsilçisinin özündən məlumat verilib.
Bildirilib ki, «Baba» ləqəbli sükançı Cavid Hüseynovun dönüşünü əngəlləyib.
İdarə Heyətinin sədri Ehtiram Quliyev və idman direktoru Səməd Nəsibov gənc mütəxəssisin bura qayıtmasına təşəbbüs göstərib, fəqət, rusiyalı keçmiş köməkçisi ilə yenidən bir yerdə işləmək niyyətində olmadığını bildirib.
Berdiyev ötən ilin noyabrında «Səbail»ə yollanmış, 5 ay sonra oradan da ayrılmış Hüseynovun qəfil qərarının hələ də ona qaranlıq qaldığını, onu bağışlamağı ağlının ucundan keçirmədiyini söyləyib.
Odur ki, C.Hüseynovun «Turan»da vəzifə tutmasınınə əleyhinə olduğunu qeyd edib. İstər seleksiyaçı, istər yardımçı, istərsə də müşavir kimi.
SPORTİNFO.AZ
