"Qarabağ"ın yenidən heyətinə cəlb etdiyi Donald Gerye karyerasına Polşada davam etmək istəyib.
Sportinfo.az "Transfery.info" saytına istinadən xəbər verir ki, 31 yaşlı cinah oyunçusunun niyyəti "Legiya" (Varşava) və "Visla" (Krakov) komandalarında oynamaq olub.
Hər iki klub haitili oyunçuya maraq göstərməyib və Gerye bu səbəbdən "Qarabağ"la razılaşıb.
Donald Gerye 2013 - 2016-cı illərdə "Visla"nın formasını geyinib. O, 2017 - 2019-cu illərdə də "Qarabağ"ın formasını geyinib. Ötən yay "Neftçi"yə keçən futbolçu bir müddət öncə "ağ-qaralar"ın sıralarını tərk edib.
