.jpg)
«Sumqayıt» rəhbərliyi Damian Daniçiçə yeni təklif irəli sürüb.
Yönətim Samir Abasovun əsas komandadan kənarlaşdırdığı xorvatiyalı legionerlə yolları ayırmağı istəyir.
Yayda Azərbaycana gələn və 3 illik müqavilə imzalayan mərkəz müdafiəçisi razılaşsa, müəyyən təzminat qarşılığında önümüzdəki günlərdə kontrakta xitam veriləcək.
Baş məşqçi balkanlı arxa xətt oyunçusunu əvəzedici heyətə göndərib. Abasovun bir daha dönüşünü istəmədiyi 2000-ci il təvəllüdlü Damian sonuncu dəfə Premyer Liqanın 13-cü turunda meydana çıxıb.
Noyabrın 5-də «Neftçi» ilə keçirilən ev matçında 85 dəqiqə forma geyinən Zaqreb «Dinamo»sunun yetirməsi Süleyman Əhmədovla əvəzlənib. Növbəti 2 turda onun adı iştrak ərizəsinə salınmayıb.
Mərkəz müdavfiəçisi artıq I Divizionda da debüt edib. 12-ci turda «Qarabağ»la qarşılaşan gənclər komandasının start heyətində görünən Damian 77-ci dəqiqədə yerini Şəhriyar Fərəcova verib.
"Srvena Zvezda"nın yetirməsi olan Daniçiç karyerası ərzində həmçinin Serbiyanın "Qrafiçar", "Vozdovats", Xorvatiyanın "İstra" və "Varazdin" klublarında çıxış edib
SPORTİNFOAZ
