Azərbaycanlı məşqçi bu suala əsəbiləşdi, istehzalı cavab verdi

2 Oktyabr 09:20 Sumqayıt 1 110
Azərbaycanlı məşqçi bu suala əsəbiləşdi, istehzalı cavab verdi

Sportinfo.az xəbər verir ki, “Sumqayıt”ın baş məşqçisi Ayxan Abbasov Azərbaycan Premyer Liqasının 6-cı turu çərçivəsində "Zirə"yə qarşı keçirdikləri oyunu (0:1) şərh edib.

- Məğlub olmaq çox üzücüdür. Çempionatın bu yerində xal lazım idi. Ruhdan düşməməliyik. Bilirsiz ki, qarşıda hələ 3 dövrə var. Oyuna istədiyimiz kimi başladıq, amma bir cüzi diqqətsizlikdən qol buraxdıq. Hər iki komandanın hücumları oldu. İstədiyimiz sonluğu gətirə bilmədik. Bəzi futbolçularımız tam formasında deyil, itkilərimiz var. Bu məğlubiyyətdən dərs çıxarmalıyıq.

- "Sumqayıt"ın göstərdiyi oyun idimi və Səid Rzadan nə gözləyirsiz?

- Bu sualı heç cür başa düşmədim. Səidi məndən başqa kim bəyənə bilər ki?

- Əsas heyətə buraxdığınız 6 yerli futbolçu milliyə dəvət alıb. Sanki onlar bu oyunda özlərini qoruyurdular ki, zədələnməsinlər...

- Oyunçular mübarizə apardı. Biz digər klublara nisbətən az istirahət etdik. Bu sözümü yozdular, bizi İngiltərə klublarıyla müqayisə etdilər. Bu gün meydanda oyunçuların yorulduğunu gördüm. Hücumların sonunu gətirə bilmədik.

- Son vaxtlar komandada düşüş var. Sanki oyunçular geriyə addım atıb...

- Hər dəfə eyni səviyyədə oynamaq olmur. Ötən il 4-5 oyun uda bilmirdik, amma sonradan digər komandalara çatdıq. Futbolda eniş olur.

- Səid İran çempionatı bitəndən sonra bura gəlib. Onun yorğun olduğunu düşünmürsüz?

- Başqa seçimimiz olmadığı üçün Səidi oynadırıq. Hələ tam formasında deyil, epizoda girir, qaçır. Peyman Babayi də ilk gələndə oxşar durumda idi, amma sonradan qollar vurdu. Səiddə nəyisə görüb çağırmışıq. Ola bilməz ki, effekt verməsin. Hər transfer uğurlu alınacaq deyə, bir şey yoxdur. Futboldur, Səidə ümidimiz çoxdur.

- “Sumqayıt”ın göstərdiyi oyun idi?

- Bəs nə idi? Ola bilər, siz başqa futbola baxırdınız.

– Yeni iranlı hücumçu – Səidi siz bəyənib komandaya götürmüsünüz?

- Yox, başqası. Bu nə sualdır?

– “Sumqayıt”ın əvvəl sərgilədiyi oyunla indiki arasında fərq var.

- Belə şeylər olur. Hücum planında zəif çıxışımız nəticə qazanmağımıza mane olur.

Digər Xəbərlər
Xəbər Lenti
27 Noyabr 03:00 AFFA-nın yeni qərarları
27 Noyabr 02:30 Koronavirusun yeni ştamı
27 Noyabr 01:10 4 cavabsız qol - VİDEO