"Zirə"dən ayrılan Yovan Krneta Azərbaycanda qalmayıb.
Sportinfo.az xəbər verir ki, "Səbail"in təklifini qəbul etməyən serbiyalı müdafiəçi karyerasını ölkəsində davam etdirəcək.
28 yaşlı futbolçu Super Liqa təmsilçisi "İndjiya" ilə 1 illik müqavilə imzalayıb.
Krneta 2015-2018-ci illərdə də "Zirə"də çıxış edib. "Partizan"ın yetirməsi bu ilin qış fasiləsində "qartallar"la mövsümün sonuna qədər müqavilə imzalamışdı. Krneta 5 ildən sonra yenidən Serbiyaya qayıdıb.
