"Səbail"in futbolçusu Turan Manafovun "Olimpiakos Volos"a transferi rəsmiləşir.
Sportinfo.az "Taxydromos" nəşrinə istinadən xəbər verir ki, 24 yaşlı cinah müdafiəçisi viza problemini həll edərək Yunanıstana yola düşüb.
O, tibbi müayinədən keçdikdən sonra yeni klubu ilə müqavilə imzalayacaq.
Turan Manafov 2019-cu ildən "Səbail"də çıxış edib. 2-ci liqada mübarizə aparan "Olimpiakos Volos" 10 oyundan sonra 9 xalla 17 komanda arasında 15-ci pillədə qərarlaşıb.