"Sabah"ın güclü olmasını istəyirəm" - Yeni baş məşqçi

2 Dekabr 22:18 Sabah 352
"Sabah"ın güclü olmasını istəyirəm" - Yeni baş məşqçi

"Oyundan əvvəl bilirdik ki, necə rəqibə qarşı oynayacağıq. Müdafiə blokunda yaxşı çıxış etməliydik. Çünki “Qarabağ keyfiyyətli oyunçulardan qurulub”.

Sportinfo.az xəbər verir ki, bu sözlər "Sabah"ın baş məşqçisi Jelko Sopiçə məxsusdur. Azərbaycan Premyer Liqasının XIII turunda “Qarabağ”ı qəbul edən paytaxt təmsilçisi 0:1 hesabı ilə məğlub olub. Qarşılaşmadan sonra təşkil edilən mətbuat konfransında Sopiç debüt matçını dəyərləndirib: "Məşqlərdə futbolçulara nə göstəriş verilmişdisə, meydanda onu gördük. Futbolçularım meydanda öz ürəklərini ortaya qoydular. Fərdi cəhətdən rəqibin oyunçuları daha keyfiyyətlidi. Bu, müzakirəsiz belədi. Bu gün 4-4-2 sistemi ilə oynadıq. Amma mənim futbol fəlsəfəmdə taktikanın çox önəmi yoxdu. Oyunçularımın heç birinə irad bildirə bilmərəm. Çünki meydanda əllərindən gələni etdilər”.

- Ötən turda “Sabah”ın qələbəsində böyük rol oynayan Ekşteyn və Diallo bu gün ehtiyatdan meydana daxil oldular. Bunun səbəbi nə idi?
- Bu taktikanı seçmişdim. Çünki onları meydana buraxsaydıq, müdafiə cəhətdən kompakt oynaya bilməyəcəkdik. “Səbail”ə də, digərlərinə də hörmət edirəm. Amma “Səbail”lə “Qarabağ” eyni deyil. Məsələn, İspaniya çempionatında “Xetafe” ilə “Real” və “Barselona”ya qarşı eyni taktika ilə çıxa bilməzsən.

- Gəlməzdən əvvəl Azərbaycan çempionatı ilə nə bağlı nə bilirdiniz, burda məqsədiniz nədi?
- Gəlməzdən əvvəl komandanın bütün oyunlarına baxmışdım. Həmçinin “Qarabağ”ın avrokuboklardakı, “Neftçi”nin çempionat oyunlarına baxmışdım. Yurçeviç və Prosineçkinin rəhbərliyi altındakı Azərbaycan millisinin oyunlarını izləmişdim. Amma əsas öz komandam barədə düşünürəm. Limit məsələsini bilirəm. Amma bu gün 3 legionerlə çıxış etdik. Mənim komandamda həmişə ən yaxşılar meydana çıxır. Bu gün meydana çıxan uşaqlar da ürəklərini ortaya qoydular. Rəqib məşqçini də təbrik etmək lazımdı. Çünki onlar meydanda daha uğurlu oldular. O ki qaldı məqsədə, “Sabah”ın çox gənc komanda olduğunu bilirəm. Klubun bütün komponentlərdə güclü olmasını istəyirəm. “Sabah”ın öz stilinin olmasını arzulayıram.

Xəbər Lenti
15 Dekabr 20:50 "Zirə" onu da göndərir
15 Dekabr 15:15 Sportinfo.az-dan yenilik!
15 Dekabr 01:52 4 cavabsız qol - VİDEO