“Tovuz səfəri həmişə çətin keçir və bu dəfə də istisna olmayacaq“.
Bu sözləri Sportinfo.az-a açıqlamasında “Sabah“ın müdafiəçisi Con İrasabal deyib.
Masazır təmsilçisini Premyer Liqanın növbəti turunda “Turan Tovuz”la oyun gözləyir. İspaniyalı legioner ağır səfər qarşılaşması ilə bağlı düşüncələrini bölüşüb:
“Bu matç çox vacibdir və ona ciddi yanaşırıq. Meydanın süni örtüklü olmasını xüsusi qeyd etməliyəm.
Meydana da uyğunlaşmalı və bu amilin oyunumuza təsir etməsinə imkan verməməliyik”.
