Azərbaycan Premyer Liqasında XXX turun oyunlarına yekun vurulub.
Sportinfo.az xəbər verir ki, sürpriz nəticənin qeydə alındığı günün son matçında "Sabah" və "Qarabağ" üz-üzə gəlib.
"Bank Respublika Arena"da keçirilən görüşdə meydan sahibləri çempionluğu daha əvvəldən rəsmiləşdirən Ağdam təmsilçisinə 3:2 hesabı ilə qalib gəlib.
Masazır klubunun heyətində müvafiq olaraq Amin Seydiyev, Cesse Sekidika və Tellur Mütəllimov fərqləniblər. Qonaq komandanın qollarını isə Leandro Andrade və Nəriman Axundzadə vurub.