"Sabah"ın baş məşqçisi: "Pressinq etsəz, 70-80 metr geriyə qaçmağa ehtiyac olmaz"

14 Noyabr 2021 13:20 Sabah 631
"Sabah"ın baş məşqçisi: "Pressinq etsəz, 70-80 metr geriyə qaçmağa ehtiyac olmaz"

"Millinin baş məşqçisi futbolçuların fiziki durumuna təsir edə bilməz, çünki onun kardinal dəyişikliklər üçün vaxtı azdır".

Sportinfo.az xəbər verir ki, bu fikirləri "Sabah"ın baş məşqçisi Murad Musayev Rusiya millisinin 2022-ci il dünya çempionatının seçmə mərhələsindəki çıxışı barədə yerli mətbuata açıqlamasında deyib.

38 yaşlı mütəxəssis bildirib ki, Valeri Karpinin yığmanın sükanı arxasına keçməsindən sonra məşqçilər heyəti oyunlarda daha çox pressinq və standart vəziyyətlər görmək istəyir:

"Amma indiki məqamda komandanı formalaşdırmaq daha vacib idi. Bu mərhələdə ən önəmlisi nəticədir.

Milli üzvlərinin vacib məqamlarda kifayət qədər sakit oynadıqlarını gördük. Belədə, həm müdafiədə, həm də hücumda daha çox şey alındı".

Onun sözlərinə görə, Aleksey Mirançukla Fyodor Smolovun meydanda bir-birini yaxşı başa düşməsi sevindiricidir:

"Onların oyunu baxımlı, eyni zamanda təsirlidir. Bu, həm də onu göstərir ki, irəlidə pressinq etsəniz,

70-80 metr geriyə qaçmağa ehtiyac olmaz. Yəni, qısa məsafədə hərəkətlərlə rəqibi bağlasanız, daha az qaçarsınız".

Rusiya millisi DÇ-2022-nin seçmə mərhələsində son oyununu bu gün səfərdə Xorvatiyaya qarşı keçirəcək.

Digər Xəbərlər
Xəbər Lenti