Region Liqasının 6-cı turunda keçirilən “Zəfər 44” – “Masallı” oyununda xoşagəlməz hadisə yaşanıb.
Sportinfo.az xəbər verir ki, qonaq komandanın rəhbəri Mirələm Həşimov qarşılaşmanın 88-ci dəqiqəsində hakimə şiddətli etiraz edib.
AFFA-nın İntizam Komitəsi onun bu hərəkətini müzakirə edib. Qurum klub rəhbərini cəzalandırmağa qərar verib.
Şiddətli etiraza görə qırmızı vərəqə ilə texniki zonadan kənarlaşdırılan Həşimov 2 matçlıq diskvalifikasiya alıb.
