"O, kimdir ki, dalınca danışım?!"

28 Aprel 20:00 Qəbələ 414
"O, kimdir ki, dalınca danışım?!"

"Konkret kimi nəzərdə tutubsa, gərək, ad çəksin. O, heç vaxt deyə bilməz ki, hamı elədir".

Sportinfo.az xəbər verir ki, bunu "report"a açıqlamasında "Keşlə"nin oynayan məşqçisi Rəşad Sadiqov "Qəbələ"də ikən komanda yoldaşı olmuş Ruslan Fominin azərbaycanlı futbolçular barədə fikirlərinə münasibət bildirərkən deyib.

Hazırda ölkəsinin "Mariupol" klubunda çıxış edən ukraynalı hücumçu yerli mətbuata müsahibəsində deyib ki, əyalət təmsilçisində oynayarkən azərbaycanlı oyunçular onun üzünə gülüb, dalınca danışıblar.

Sadiqov həmin legioneri yaxşı xatırlamadığını bildirib: "Yadımda qalmayıb. İstənilən halda, Fomin kimdir ki, dalınca danışım?! Tək onun yox, heç bir legionerin arxasınca danışmamışam. Gülünc iddiadır. Bizim ondan nə qorxacağımız var ki?! Sözümüz varsa, üzünə deyərik".

Rəşad "Qəbələ" formasını 2015 - 2017-ci illərdə geyinib. 37 yaşlı yarımmüdafiəçinin sözlərinə görə, onu futbol aləmində hamı yaxşı tanıyır:

"Hazırda "Neftçi"də çıxış edən Baqali Dabo və Voislav Stankoviçdən, "Qarabağ"da oynayan Filip Ozobiçdən də soruşa bilərsiniz ki, "Qəbələ"də yerlilərin əcnəbilərə münasibəti necə olub. Ola bilər, Fomini kimsə komandadan çıxarıb, klub rəsmilərindən kiminləsə narazılığı olub. Amma ümumi danışmaq olmaz".

Digər Xəbərlər
Xəbər Lenti
27 May 20:20 Artur qərarın verdi