“Qəbələ” 2021/22 mövsümünün ikinci yarısının hazırlığını davam etdirir.
Sportinfo.az xəbər verir ki, “qırmızı-qaralar” Türkiyənin Antalya şəhərində təşkil olunan təlim-məşq toplanışının 6-cı gününü başa vurub.
Komanda günü bir məşqlə yekunlaşdırıb. Hazırlıq prosesi iki qrupda gerçəkləşib.
Yanvarın 18-də Polşanın “Zaqlembe” klubu ilə yoxlama oyununda (1:2) iştirak edən futbolçular fitnes məşqi keçiblər. Digər oyunçular meydanda toplu çalışmaları icra ediblər.
