"Qarabağ"ın yarımmüdafiəçisi Dani Kintana daha bir neçə il komandada qalmaq arzusundadır. Sportinfo.az xəbər verir ki, bunu apasport.az-a açıqlamasında ispaniyalı futbolçu özü deyib.
Kintana 2015-ci ildən "Qarabağ"ın şərəfini qoruyur. 32 yaşlı hücumameyilli oyunçu cari mövsümün sonuna qədər olan müqavilə müddətini uzatmaqda maraqlıdır. Ancaq o, bu məsələdə klubun qərarından da çox şey asılı olduğun bildirib:
"Təbii ki, "Qarabağ"da qalmaq istərdim. Bu komandada xoşbəxtəm. Eyni zamanda ailəm Bakıda çox rahat və xoşbəxtdir. Gözləyək görək, klubun mənimlə bağlı mövqeyi necə olacaq. Əlbəttə ki, birlikdə qərar verəcəyik".