Beynəlxalq Olimpiya Komitəsi Rusiya və Belarusa 2024-cü ildə Parisdə keçiriləcək Olimpiadaya dəvət göndərməyəcək.
Sportinfo.az xəbər verir ki, bu barədə BOK-un mətbuat xidməti məlumat yayıb.
Ümumilikdə qurum Milli Olimpiya Komitələrinə 203 dəvət göndərəcək.
“Analoji qərar Ukraynadakı münaqişə ilə əlaqədar BOK-un Rusiya və Belarus idmanına tətbiq etdiyi sanksiyalarla bağlı verilib.
Həmçinin, BOK 2022-ci ilin sentyabrından dayandırılmış Qvatemala MOK-a Olimpiadaya dəvət göndərməyəcək”, - məlumatda qeyd olunub.
BOK Rusiya və Belarus idmançıları ilə bağlı yekun qərarın daha sonra veriləcəyini bildirib.
