“İrəvan sülh müqaviləsi ilə bağlı 10-cu təkliflər paketini Bakıya göndərib”.
Bunu Ermənistanın xarici işlər naziri Ararat Mirzoyan deyib.
XİN başçısı sazişin yaxın zamanda imzalanması üçün real imkanın olduğunu bildirib:
“Texniki cəhətdən müqavilə mətni tam razılaşdırılıb. Artıq demək olar ki, fikir ayrılığımız yoxdur. Biz razılaşdırılmış mətni ən qısa zamanda imzalaya bilərik. Müqavilə 16 maddədən ibarətdir, bunlardan 13-ü tam, 3-ü isə qismən razılaşdırılıb”.
Mirzoyan qeyd edib ki, Azərbaycanın qərb rayonları ilə Naxçıvanı birləşdirən yolda təhlükəsizlik tədbirlərinin həyata keçirilməsinin xarici özəl şirkətə həvalə edilməsi mümkün ola bilər:
“Yoldan istifadə edən insanların təhlükəsizliklə bağlı güvənini artırmaq üçün oraya lisenziyalı bir xarici şirkəti cəlb edə bilərik. Bu, müzakirə edilən variantlardan sadəcə biridir. Məsələn, yük və ya sərnişin daşımalarını onlar müşayiət edə bilərlər”.
