Azərbaycan millisi bu gün DÇ-2022-nin seçmə mərhələsi çərçivəsində Serbiyanın qonağı olacaq.
A qrupunda yer alan komandamız Belqrad şəhərində meydana ciddi itki ilə çıxacaq.
Mahir Emrelinin oyunöncəsi COVID-19 testi pozitiv nəticələnib. UEFA-nın tətbiq etdiyi tibbi protokola uyğun olaraq, hücumçu bu oyunda iştirak edə bilməyəcək. O, artıq karantinə alınııb.
Bu gün komanda üzvlərindən daha bir test götürülməsi gözlənilir. Çünki Emreli “Rayko Mitiç” stadionunda keçirilən son məşqdə iştirak edib.
Ondan və digər futbolçulardan test bu hazırlıq prosesindən əvvəl götürülüb və məşq saatınadək nəticələri açıqlanmayıb.
Yalnıız gecə saatlarında bilinib ki, yığmamızın forvardı koronavirusa yoluxub. Odur ki, başqa oyunçuların da xəstəliyə tutulması inandırıcıdır.
SPORTİNFO.AZ
