"Cənab Prezident düzgün buyurdu ki, Tokio olimpiadasında əsasən təcrübəli idmançılar medal qazandı.
O, müharibə vaxtı da bildirmişdi ki, nəyi nə zaman edəcəyini yaxşı bilir.
İdmanda da belədir. Artıq ölkə başçısının verdiyi tapşırıqlar üzərində işlərə başlamışıq".
Sportinfo.az xəbər verir ki, bunu gənclər və idman naziri Fərid Qayıbov deyib. Nazir bildirib ki, artıq federasiyaların işi ilə maraqlanmağa başlayıblar:
"Müəyyən çətinliklər var. Bütün dünyada idman inkişaf edir. Yeniliklərdən geri qalmamalı, onlardan istifadə etməliyik. Yeni olimpiya dövrünə qədəm qoymuşuq.
Vaxtımız azdır. Amma digər tərəfdən tələsmək də olmaz. İşləri düzgün planlaşdırmalıyıq. Ümid edirəm ki, bunun öhdəsindən gələcəyik".
