“Liverpul”un qapıçısı Alison Bekker İngiltərə hakimiyyətini tənqid edib.
Sportinfo.az xəbər verir ki, Braziliya yığmasının qapıçısını vaksin olunduqdan sonra da karantinə alınmaları narahat edir.
Hökumətin qərarına əsasən, Cənubi Amerikadan olan futbolçular yığmaların oyunundan qayıtdıqdan sonra 10 gün karantinə alınmalıdırlar. Alison bu qərarın anlaşılmaz olduğunu bildirib:
“Hakimiyyət oyunçuları peyvənd olunmağa çağırdı. Biz də peyvənd olunduq. Amma bütün bunlara baxmayaraq, yığmanın oyunundan qayıtdıqdan sonra 10 gün karantində olmalıyıq.
Biz əlavə imtiyaz istəmirik, sadəcə, qəbul edilən qərarların məntiqli olmasını tələb edirik. Dünyada durumun necə olduğunu bilirik, vəziyyət çətindir. Amma verilən qərarların da heç bir məntiqi əsası yoxdur”.
Braziliya yığması oktyabrın 8-də Venesuela ilə qarşılaşacaq.
