“Milan”ın baş məşqçisi Stefano Pioli ÇL-in qrup mərhələsinin 2-ci turunda “Atletiko” ilə keçirilən oyundan sonra fikirlərini bildirib.
Sportinfo.az xəbər verir ki, Pioli qarşılaşmanın hakimlərindən narazılıq edib.
O, türkiyəli Cüneyt Çakırın bütün mübahisəli məqamlarda rəqibin xeyrinə qərar qəbul etdiyini bildirib:
“Hesab etmirəm ki, hakim üçün yaxşı gecə idi. Onlar bizi cəzalandırdılar. Mən qırmızı vərəqəni, penaltini də nəzərdə tutmuram. Hakim bütün mübahisəli məqamlarda rəqibin xeyrinə qərar verirdi.
Amma buna baxmayaraq, komandamdan razıyam. Biz sürətli, kombinasiyalı oyun keçirdik. Sübut etdik ki, rəqabətə davam gətirə bilərik.
Üstəlik, son vaxtlar olduqca ağır təqvimlə üzləşmişik. Artıq sabah “Atlanta” ilə oyun haqda düşünməliyik. “Atletiko” ilə oyun bizi fiziki cəhətdən çox yordu”.
