Sentyabrın 7-də Azərbaycan ordusunun Ağdərədə saxlanılan saxlanılan hərbçisi Cəmil Babayevlə dəyişdirilən iki erməni hərbçinin adı məlum olub.
Sportinfo.az xəbər verir ki, onlar Artur Nalbandyan və Aramais Torozyandır.
Bir az əvvəl erməni hərbçiləri Bakıdan aparan Rusiyaya məxsus təyyarə İrəvanın “Erebuni” hava limanına enib. Əsirlərin mübadiləsi Rusiyanın Qarabağdakı sülhməramlı kontingentinin keçmiş komandanı Rustam Muradovun vasitəçiliyi ilə həyata keçirilib.
Erməni mətbuatı Azərbaycanın təhvil verdiyi erməni hərbçilərin 14 iyulda Zəngəzur bölgəsində, Qaragöl yaxınlığında dumanda azaraq itkin düşdüklərini qeyd edib.
Bildirilib ki, onlar avtomobillə hərəkət etsələr də, silahsız olublar.
C.Babayev isə ötən ay qanunsuz olaraq erməni separaçılar tərəfindən saxlanmışdı, hətta onu “mühakimə etməyə” yönəlik cəhd olmuşdu.
R.Muradov bir neçə gün əvvəl C.Babayevlə görüşmüşdü.
