Futbol Veteranları İttifaqının sədri Oqtay Abdullayev ötən ilin noyabrında koronavirusa yoluxan Qəhrəman Əliyevin yaxınlarına yalan danışıb.
Bu barədə Masallıdan Sportinfo.az-ın redaksiyası ilə əlaqə saxlayan futbolsevərlər məlumat verib.
Bildiriblər ki, adıçəkilən şəxs AFFA-nın Əliyevin ailəsinə maliyyə köməkliyi göstərəcəyini vəd etsə də, sözünün arxasında dayanmayıb.
O, məşqçinin doğmalarına federasiyaya bununla bağlı məktub göndərdiklərini, lakin bugünədək cavab almadıqlarını söyləyib.
“Viləş”, “Şəmkir” və “Bakı”nın baş məşqçisi olmuş Q.Əliyev koronavirus ayoluxandan sonra beyin insultu keçirib.
Artıq 9 aya yaxındır ki, komadadır. Bu müddət ərzində AFFA və çalışdığı İsgəndər Cavadov adına akademiyanın rəhbərliyi ona 1 manat da olsa, yardım etməyib.