Sportinfo.az xəbər verir ki, Birləşmiş Krallığın nəqliyyat naziri Qrant Şeppis italyan azarkeşlərə müraciət edib.
Qrant italyan fanatlara tövsiyə edib ki, Avropa çempionatının final oyunu üçün İngiltərəyə gəlməyə cəhd göstərməsinlər. O, “Tayms” radiosunun efirində belə deyib:
“Bunu etmək tövsiyə olunmur. Onsuz da, onları buraxmayacaqlar”.
Karantin tədbirləri ucbatından İngiltərəyə bir sıra reyslər ləğv edilib. Avropa çempionatının finalı iyulun 11-də “Uembli”də keçiriləcək. Finalda İngiltərə və İtaliya yığmaları qarşılaşacaq.
