Kuba yığması CONCACAF -ın “Qızıl kubok”unda iştirak edə bilməyəcək.
Sportinfo.az xəbər verir ki, Kubanı bu turnirdən kənarlaşdırıblar.
Bu barədə məlumat CONCACAF -dan verilib. Kuba turnirin sonuncudan əvvəlki mərhələsində Fransız Qvianası ilə qarşılaşmalı idi.
Kubalılar bu qarşılaşmaya Nikaraquada hazırlaşırdılar. Oyun isə ABŞ-da keçirilməli idi. Məsələ ilə bağlı KONKAKAF-ın açıqlamasında deyilir:
“CONCACAF Kuba Futbol Assosiasiyası ilə mütəmadi əlaqə saxlayırdı. Çox təəssüf ki, viza və COVİD-19 problemləri ucbatından onların Fransa Qvianası ilə oyunu keçirilməyəcək.
Koronavirusla bağlı protokolları analiz etdikdən sonra iştirakçı komandaların sağlamlığını risk altına sala bilməzdik”.
Fransa Qvianası avtomatik olaraq seçmə mərhələnin sonuncu raunduna vəsiqə qazanıb.
