"Yekun qərar martın 5-dən tez verilməyəcək" - CİDDİ TƏHLÜKƏ VAR!

22 Yanvar 23:20 Problem 2 150
"Yekun qərar martın 5-dən tez verilməyəcək" - CİDDİ TƏHLÜKƏ VAR!

UEFA prezidenti Aleksander Çeferin AVRO-2020-nin bir ölkədə təşkili variantını nəzərdən keçirir.

Sportinfo.az xəbər verir ki, bu barədə "Bavariya"nın prezidenti və UEFA prezidentinin müşaviri Karl-Haynts Rummenigge "Lequipe" nəşrinə açıqlamasında bildirib.

O bildirib ki, yekun qərar martın 5-dən tez verilməyəcək: "Bilirəm ki, Çeferin koronavirusla bağlı situasiyaya çox ciddi yanaşır, Avropa çempionatının bir ölkədə keçirilməsinin ağlabatan olub-olmayacağını düşünür.

Bu zaman bütün lazımi tədbirlərə riayət olunacaq. Unutmayaq ki, çempionatın 12 ölkədə keçirilmək ideası pandemiyadan əvvəl ortaya çıxıb" - deyə Rummenigge vurğulayıb.

Koronavirus pandemiyasına görə təxirə salınmış AVRO-2020-yə Bakı, Sankt-Peterburq, London, Münhen, Roma, Buxarest, Dublin, Kopenhagen, Bilbao, Qlazqo, Budapeşt və Amsterdam şəhərləri ev sahibliyi etməlidir. Turnirin oyunları iyunun 11-dən iyulun 11-dək təşkil olunacaq.

Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.

Digər Xəbərlər
Xəbər Lenti