"Bir ara “Xəzər Lənkəran” var idi, indi..."

22 Fevral 21:30 Premyerliqa 858
"Bir ara “Xəzər Lənkəran” var idi, indi..."

"Qardaş ölkədə əməkdaşlarımla görüşmək həyəcanlıdır. Gəldiyimiz andan etibarən bizi gözəl qarşıladılar.

Sabah da gənc dostlarımızla təcrübəmizi bölüşəcəyik. Hər birimiz öz sahəmizdə yolu necə qət etdiyimizdən danışacağıq".

Sportinfo.az xəbər verir ki, bunu Bakıda səfərdə olan "TRT Spor" kanalının şərhçisi Ərdoğan Arıkan deyib.

O, ilk dəfə Bakıya gəldiyini söyləyib: "Çox gözəl şəhərdir. Bakının imici də belədir. Buraya gəlmək mənim üçün gec oldu. Çox yerdə olmuşam, heç vaxt buraya gəlməmişdim. Amma bizdə belə bir ifadə var: Gec olsun, güc olmasın”.

Ə.Arkan Azərbaycan çempionatını izləyə bilmədiyini qeyd edib: “Çox izləyə bilmirəm. Mustafa Dənizli və Oktay Dərəlioğlu burada çalışanda bir neçə oyun bizdə yayımlanıb.

Həmin vaxt stadionların durumunu yaxşı görməmişdim. İndi necə olduğunu bilmirəm. İndi “Qarabağ” yaxşı çıxış edir.

Bir ara “Neftçi” yüksəlişdə idi. “Xəzər Lənkəran” var idi, indi fəaliyyət göstərmir. Avropada Azərbaycan klublarının adını görəndə ürəyim fərqli döyünür.

Azərbaycan sanki digər idman sahələrində daha uğurlu çıxş edir. Olimpiya idman növlərində daha güclüdür. Bir az maliyyə məsələsi və futbola baxış tərzi önəmlidir.

Azərbaycanlılar keçmişdə SSRİ-nin tərkibində oynayıb. Hətta indi də Rusiya yığmasında azərbaycanlılar oynayırlar. Azərbaycan öz gənclərinə üstünlük verməli və onları yaxşı yetişdirməlidir”.

Digər Xəbərlər
Xəbər Lenti