.jpg)
"Bizi qarşıda ciddi oyun gözləyir.
Matça çox yaxşı hazırlaşırıq və çalışacağıq ki, ardıcıl 4-cü qələbəmizi qazanaq".
Sportinfo.az xəbər verir ki, bu fikirləri "Neftçi"nin portuqaliyalı legioneri Huqo Basto səfərdə "Sumqayıt"a qarşı keçirəcəkləri Azərbaycan Premyer Liqasının VII tur oyunu barədə klubun rəsmi televiziyasına açıqlamasında deyib.
27 yaşlı müdafiəçi "ağ-qaralar"ın hər oyuna qələbə üçün çıxdığını və yalnız qələbə haqqında düşündüklərini bildirib.
"Son altı oyuna nəzər yetirsək, onlardan heç biri bizim üçün asan keçməyib. Hər biri çətin alınıb.
Yalnız qarşıdakı oyunlara köklənirik. Öz üzərimizdə işləyirik ki, sonda istədiyimiz nəticələri qazanaq".
Oktyabrın 17-də "Kapital Bank Arena"da keçiriləcək "Sumqayıt" - "Neftçi" matçı saat 16:30-da başlanacaq.
