2012-ci ildə "Bakı"da çıxış etmiş Koke (Serxio Kontreras) İspaniyada həbs olunub.
Sportinfo.az İspaniya mətbuatına istinadən xəbər verir ki,karyerasını 2016-cı ildə Yunanıstan "Aris"ində başa vurmuş 36 yaşlı forvard narkobiznes şəbəkəsinə rəhbərlik edirmiş.
İspaniya polisinin Estepona, Malaqa və Qranada ətrafında həyata keçirdiyi kütləvi həbslər zamanı Kokenin 20 nəfərlik dəstəsindən 1 tona yaxın narkotik, xeyli sayda silah və pul müsadirə olunub. Həbs edilənlər arasında Kokenin qardaşı da var.
İspaniyalı futbolçu Azərbaycan klubunun heyətində 10 oyun keçirib, 2 qol vurub. O, "Marsel", "Sportinq" (Portuqaliya), "Rayo Valyekano" və "Malaqa" kimi məşhur klublarda oynayıb.