«Şamaxı»da yeni təyinat gerçəkləşib və rəhbərliyə tanınmış futbol adamı gətirilib.
Ramiz Məmmədov Müşahidə Şurasının sədrinin müavini və vitse-prezident postuna gətirilib.
Klubun futbol akademiyası və infrastrukturla bağlı layihələrin icrasına nəzarət ona həvalı olunub.
Vaxtilə «Qəbələ», «Atırau» (Qazaxıstan) və «Damaş»ın (İran) sükanı arxasında dayanmış «Pro» kateqoriyalı mütəxəssis əvvəl də burada çalışıb.
«Şamaxı» hələ «Keşlə» adlanan dönəmdə – 2017-ci ilin yayından etibarən idman direktoru vəzifəsini yerinə yetirib və ötən ilin mayında iş yerindən ayrılıb.
SPORTİNFO.AZ