Azərbaycanda İtaliya A Seriyasının yayım hüququna sahib olan "CBC Sport" "Roma"nın oyunlarını efirə verməyəcək.
Sportinfo.az xəbər verir ki, bu barədə kanalın şərhçilər qrupunun rəhbəri Rüstəm Əfsərli "Futbol+" qəzetinə açıqlamasında bildirib.
O, daxili qərarla "Roma"nın oyunlarının yayımını dayandırdıqlarını söyləyib. Əfsərli bildirib ki, A Seriyası klubunun erməni futbolçusu Henrix Mxitaryan klubdan ayrılana qədər bu, belə davam edəcək.
Əlavə edək ki, "Roma" bir neçə gün əvvəl Ermənistana yardım göndərmişdi.