“Fiorentina”nın yarımmüdafiəçisi Kevin-Prins Boatenqin yeni iş yeri müəyyənləşib.
Sportinfo.az xəbər verir ki, 33 yaşlı futbolçu karyerasını İtaliyanın başqa bir klubunda, B Seriyasında mübarizə aparan “Monza”da davam etdirəcək.
Bu barədə sözügedən klubun rəsmi saytı məlumat yayıb. Qanalı futbolçu ilə 1+1 illik müqavilə imzalanıb.
"Monza"nın sahibi "Milan"ın sabiq prezidenti Silvio Berluskonidir. Maraq üçün xatırladaq ki, “Milan” sonuncu çempionluğunu qeyd etdiyi 2010/11 mövsümündə bu kluba Berluskoni rəhbərlik edirdi,
Boatenq də məhz bu komandanın uğurları üçün çalışırdı. Kevin geridə qalan mövsümdə icarə əsasında “Beşiktaş”ın uğurları üçün çalışıb.
.jpg)
