Mart, aprel, may və iyun aylarının maaşı tam verilməyəcək

29 Mart 11:34 İtaliya 182
Mart, aprel, may və iyun aylarının maaşı tam verilməyəcək

“Yuventus” koronavirus pandemiyasına görə yaranmış böhranla əlaqədar futbolçu və məşqçi heyətinin maaşını azaltmağa qərar verib.

Sportinfo.az xəbər verir ki, bu barədə Turin klubunun rəsmi saytı məlumat yayıb.

Məlumatda bildirilir ki, mövcud vəziyyətlə əlaqədar futbolçulardan və məşqçilərdən bir neçəsi rəhbərliyə öz maaşlarını azaltmağa razı olduqlarını bildirib.

Klub rəhbərliyi digər oyunçuların da fikrini öyrəndikdən sonra onların tələbini yerinə yetirib. Beləliklə, “Yuventus”da mart, aprel, may və iyun aylarının maaşları tam ödənilməyəcək. Klub bunun sayəsində bütövlükdə 90 milyon avroluq qənaət edəcəklərini açıqlayıb.

İtaliya nəhəngi futbolçu və məşqçi heyətinə göstərdikləri anlayışa görə təşəkkür edib. Klub bu qərarla bağlı daha detallı açıqlamanın daha sonra veriləcəyini bildirib.

Xəbər Lenti
27 May 20:20 Artur qərarın verdi
26 May 22:40 Qurbanov lazım deyil?