"Yuventus"un və Argentina millisinin futbolçusu Paulo Dibala rəfiqəsi ilə birgə koronavirusa yoluxub.
Sportinfo.az xəbər verir ki, bu barədə 27 yaşlı forvardın özü şəxsi "Instagram"ında yazıb.
O, COVID-19 testlərinin nəticəsinin müsbət olduğunu, amma hazırda özlərini ideal şəraitdə hiss etdiklərini açıqlayıb.
Paulo Dibala "Yuventus"un koronavirusa yoluxmuş üçüncü futbolçusudur. Daha əvvəl müdafiəçi Daniele Ruqani və xavbek Blez Matüididə də bu xəstəlik aşkarlanıb.
