“Yuventus” İtaliya A Seriyasının 26-cı turu çərçivəsində “İnter”i məğlub edib.
Sportinfo.az xəbər verir ki, 2:0 hesabıyla bitən matç Turin təmsilçisinin futbolçusu Kriştiano Ronaldo üçün əlamətdar olub.
Bu barədə portuqaliyalı hücumçu özünün “instagram” hesabından məlumat yayıb. Belə ki, Ronaldo peşəkar karyerası ərzində 1000-ci rəsmi oyununa çıxıb.
35 yaşlı hücumçu 18 mövsüm ərzində 4 klubda (“Sportinq”, “Mançester Yunayted”, “Real”, “Yuventus”) çıxış edib və 725 qola imza atıb. Hazırda “Yuventus”da çıxış edən Ronaldonun müqaviləsi 2022-ci ilin yayına qədərdi.