“Mançester Yunayted”in hücumçusu Coşua Zirkze yay transfer dövründə komandasını dəyişə bilər.
Sportinfo.az “Calciomercato”-ya istinadən xəbər verir ki, 24 yaşlı futbolçu İngiltərədə gözlənilən performansı göstərə bilmədiyi üçün ayrılıq variantını nəzərdən keçirir.
“Yuventus” niderlandlı forvarda marağını yenidən artırıb və mövsüm başa çatdıqdan sonra rəsmi təklif göndərməyə hazırlaşır.
Turin təmsilçisi oyunçunun transfer dəyərini təxminən 30 milyon avro civarında qiymətləndirir.
Zirkze cari mövsümdə “Mançester Yunayted”in heyətində 22 oyuna çıxıb, 2 qol vurub və 1 məhsuldar ötürmə verib. O, İngiltərə təmsilçisinə keçməzdən əvvəl İtaliyada “Bolonya” klubunda çıxış edib.
