“Yuventus” rəhbərliyi baş məşqçi Luçano Spalletti ilə olan müqaviləsinin müddətini uzadıb.
Sportinfo.az xəbər verir ki, bu barədə Turin klubu məlumat yayıb.
Yeni razılaşmaya əsasən, 67 yaşlı baş məşqçi 2028-ci ilə qədər “Qoca sinyora”nın sükanı arxasında qalacaq.
Spallettinin əvvəlki sözləşməsi 2025/26 mövsümünün sonunda başa çatmalı idi.
2025-ci ilin oktyabr ayında komandaya gələn mütəxəssis qısa müddətdə öz oyun fəlsəfəsini tətbiq etməyi bacarıb. Hazırda “Yuventus” İtaliya A Seriyasında 57 xalla 5-ci pillədə qərarlaşıb.
