“İnter” rəhbərliyi komandanın baş məşqçisi Kristian Kivu ilə əməkdaşlığı davam etdirmək niyyətindədir.
Sportinfo.az “La Gazzetta dello Sport”-a istinadən xəbər verir ki, Milan təmsilçisi rumıniyalı mütəxəssisin müqaviləsinin müddətini 2028-ci ilin yayına qədər uzatmağı planlaşdırır.
Klub həmçinin oyun sistemində dəyişiklik edərək 4-3-2-1 sxeminə keçməyi də nəzərdən keçirir.
Kivu 2025-ci ilin iyununda “İnter”in baş məşqçisi təyin olunub və hazırkı müqaviləsinin müddəti 2027-ci ilə qədərdir.
O, 2018–2024-cü illərdə klubun akademiyasında müxtəlif yaş qruplarını çalışdırıb, 2025-ci ildə isə “Parma”ya rəhbərlik edib.
Kivu 2007-2014-cü illərdə “İnter”də oyunçu kimi forma geyinib.
